أمنا قديسة

من طرف **Admin** الأربعاء مايو 18, 2011 11:47 pm

أمنا قديسة دخلت الدير سنة 1928 واترهبنت على يد الراهب القمص تكلا الانطونى وهى من الراهبات الكبار القديسات...........
كانت بسيطة جدا وعندها نقاوة واتضاع
كانت طول ايام الصيام تعيش على برطمان مخلل من التاسعة الى التاسعة فى اليوم التاالى..لا تأكل فاكهة ولا خضار...فى غير اوقات الصوم تعيش على برطمان المش ولا عمرها عانت من المرض..طبعا دى نعمة وقوة من عند ربنا

لما جم يرسموا بطريرك بعد نياحة البابا الانبا يوساب الثانى كان الدير بيصلى علشان ربنا يختار الراعى الصالح وقبل الانتخابات والقرعة الهيكلية وكل الاجراءات جت امنا قديسة لأمنا الرئيسة وقالت لها:

" يا أمى اللى حيبقى بطريرك هو ابونا مينا المتوحد "
كان ابونا مينا هو أب اعتراف الدير لمدة اربع سنين

فقالت لها أمنا الرئيسة:
"يابنتى هو طيب وقديس لكن مالهوش فى الادارة"

فقالت لها : " انا بقول لك انا شفتة ومدام ربنا اختارة فهو ح يعطية نعمة"

فقالت لها:" طيب انتى عرفتى ازاى"

فقالت : "انا شفت البطريركية"

ووصفت البطرخانة القديمة فى كلوت بك وصف دقيق ( بالرغم من انها من الصعيد ومن ساعة مادخلت الدير ماخرجتش منة )

وقال لها : " شفت ابونا مينا المتوحد داخل بزفة كبيرة وكل الاساقفة والشمامسة قدامة وبعد صلوات كتيرة قعد على كرسى مارمرقس واطوا له عصا الرعاية وقالوا دة البطريرك اللى ح يكون "

حصلت الانتخابات واخد ابونا مينا المتوحد اقل الاصوات ..فنادت امنا الرئيسة على أمنا قديسة وقال لها :

" تعالى يا أمنا قديسة اهو محصلش الكلام اللى قلتية"

فردت عليها : " ح تشوفوا انة حيكون البطريرك اللى السماء اختارتة"

وفعلا دة حصل........

أمنا قديسة دى كان شغلها اية فى المجمع؟؟؟؟

كان عندها قفة صغيرة فيها الاجبية والابصلمودية المخطوطة وشغل اليد... وفيها اما برطمان المش او برطمان المخلل ورغيف العيش....وكانت لما تعرف عن اى راهبة انها عيانة تاخد قفتها وتروح عندها تنظف لها قلايتها وتمرضها وتيها الدواء وتقوم برعايتها خدمة كاملة لحد ماتخف وبعدين تقول لها " خلتك بالعافية"

وتروح تدور مين تانى عيان ولو حد قال لها كلمة جارحة او كلمة صعبة تفرح زى أمنا تواكليا

لغاااااااااااااااااية ما تنيحت فوق ال80سنة ووشها منظرة زى البيبى من كتر بساطتها وبرائتها.... وقبل ماتتنيح شافت رؤيا انها ح تروح السماء وعرفت خلاص انها هتسافر..ودعت الراهبات ونامت على السرسر ورشمت الصليب وقالت:

" بين يديك يارب استودع روحى"
وانطلقت روحها بسلام ووجهها كان يضيئ بنور سماوى عجيب......

بركة صلواتها تكون ويانا اميييين............ أمنا قديسة 801183343