كلمه من اعماق قلبى لام النور

من طرف **Admin** الأحد مايو 08, 2011 10:08 pm

من قلبى ويعلم الله يا ام النور يا ام الله
حبك يا عدرا فى قلبى ساكن وفى حضنك يا امى بكون امن
يا نور بينور حياتى يا ستى وحبيبتى وكل حياتى
ابليس بيحاول يزل نفسى ويقولى دا انت مهجتى وانسى
دا انا ابن العدرا يا ملعون وبحب العدرا تكون مسجون
حتروح فين يا مسكين دا شفاعه ام النور على رقبتك سكين
لو تعبان او حيران او مهموم ام النور تجيلى فى النوم
وتقلى يا حبيبى مالك انا اهو دايما ادامك
وتخفف عنى زلاتى ما هى امى وكل حياتى
حبك وحنانك يا ام النور يخلى حياتى ريحتها بخور
و فى وسط الحيره و الحرمان بشفاعتك اكون اسعد انسان
مهما عملت خطايا وشرور تقولى لرب المجد ابنى معزور
وبحب ولهفه وحنان تخلينى اندم على الى كان
وارجع عن كل الشرور ببركه شفاعتك اكون مسرور
دا البابا شنوده بيقثار بيرنم ويقول اشعار
عن ماما العدرا وطهارتها وعظمه شفعتها وقوتها
وانا الخاطى منه بتعلم مع امى العدرا اتكلم
ومن قلبى اكتب اشعار لحبيبتى ام الانوار
يا حمامه بيضه وبتنور دا جمالك سبحان من صور
وفى كل كنيسه تلاقيها بتلم ولادها حواليها
بحنان الام تسمعهم وبحب وعطف تشيل اوجاعهم
و ارجع واقول
بحب ام النور حياتى كلها فرح وسرور