بتفكر فى ايه يارب فى حالى ولا عشانى

بتفكر فى ايه يارب
فى حالى ولا عشانى
؟؟؟؟؟

يعنى انت مش عارف يا ابنى انا نفسى ارضيك
...انت على طول تتذمر على اى حاجه بعملهالك

ايوة يارب ما انا بطلب حاجات منك وانت بترفضها
هو انا مش ابنك يبقى لازم تعمل اللى انا نفسى فيه

يا ابنى ليه ديما بتفكر انى ناسيك او بعاند فيك
لكل شئ تحت السموات وقت وانا لبى عليك بختار الصح ليك

وانا هفضل كده مستنى كتير انا قربت ازهق
وبعدين ياربى انا كمان لما بقع فى ضيقه بحس انك ناسينى

لا يا ابنى انا عاوزك تصبر شويه كمان
واذا كان على الضيقه انا ببقى معاك والضيقه ديه ببقى عارف بيها من قبل متقع انت فيها
ببقى بعتها عشان انت اللى ناسينى يا ابنى وواحشنى صوتك عاوزك تنادى عليا
او بعتهالك عشان يتقوى ايمانك بيا اكتر

يا ابنى انت على طول فى بالى ديما بفكر فيك مش عاوز ازعلك ولا عاوزك تبعد عنى ولا تنسانى
عاوز افكرك ديما بيا
انت ابنى وحته منى انت قلبى يعنى انا خايف عليك يعنى ديما معاك يعنى مقدرش اسيبك



ربنا ديما فاكرنا بس احنا ديما ناسينه
طول عمرنا بنتزمر لما بنلاقى ضيقه
ولكن لا نعلم ان الله يريد ان يجعلنا قريبين منه
يرسل لنا ضيقه لكى نتذكر انه موجود ونرجع ونطلبه
ولكننا نطلبه حقاً عند الضيقه وعندما تحل الضيقه نبعد مره اخرى
ونرجع إلى حياتنا وشهوات العالم وننسى الله مره اخرى
سامحنا يا ملك الملوك ورب الارباب
اجعلنا دائماً قريبين منك واستلم دفه حياتنا وافعل بها ماشأت
لان مشيئتك صالحه لنا وهى الخير
بشفاعه والدتك العذراء مريم وجميع مصاف قديسيك
اميـــــــــن