الست العدرا و اصعب دكتور

من طرف **نانا** الإثنين أبريل 25, 2011 4:21 pm

برضو هحكيلكوا المره دى عن دكاترة الكليه اللى ربنا يرحم الجميع من ايديهم المره دى المعجزه عملتها معايا الست العدرا كان بيدينا دكتور صعب
جدا جدا و اللى بيعدى من تحت ايده تبقى فعلا معجزه كان بيدينا ماده اسمها
تكاليف فى سنه رابعه و الماده دى ذاكرتها كويس اثناء السنه وحليت عليها
كتير بس برضو كنا خايفين من الدكتور و امتحانه و عملنا اللى علينا فيها
الماده دى من مذاكره او كورسات حتى محاضراته مكناش بنفوت منها اى محاضره
بالرغم اننا مكناش بنفهم منه حاجه حتى اللى بنفهم ميجيش حاجه جنب كنا اللى
بناخده فى السكشن وكانها ماده تانيه بعيده عن الماده دى و المهم جه اليوم
الموعود بتاع امتحان الماده دى و ذاكرنا و قلنا ربنا يسترها و رحنا
الامتحان ولقينا العجب بعينه كاننا معملناش حاجه طول السنه و كنا بنشد فى
شعرنا واحنا فى المتحان و اللى كان بيكلم نفسه و اللى ساب الامتحان وطلع و
اللى حل سؤال ونصف من خمسه وده طبعا ميعملش اى حاجه معاه المهم حلينا اللى
عرفنا نفكه فى الامتحان العجيب وكلنا طلعنا يا نبكى يا نفطس على روحنا من
الضحك من الامتحان فضلنا نصلى طول الاجازه علشان ربنا يعدينا و اللى كان
بيزود الموضوع ان كل ما نسال على النتيجه يقولوا بنرفعها علشان النتيجه
وحشه وكان الدكتور يهزئنا شويه وكنا متاكدين ان احنا مش هنعدى كده كده كانت
الماده دى بتاعت العدرا وكنت
بصلى ليها و قولها اتصرفى انت مش عارفين نعمل فيها ايه و اخيرا ظهرت
النتيجه بعد ما اتاخرت عن ميعاد ظهورها العادى شهر كانوا بيرفعوا فيها
الماده دى ولقيتها انى ناجحه فيها مصدقتش نفسى من الفرحه لان فعلا مكناش
حلين حاجه وكمان نعدى من تحت ايد دكتور اللى مطلع النتيجه 78فى الميه بعد الرفع والرافه فعلا اللى يقدر على كل ده هو ربنا بشفاعة ماما العدرا اللى نجدتنا من ماده صعبه ودكتور اصعب شفاعها تكون معانا امين